Marcando o número 902 077 333, vostede entra en contacto co "Teléfono único do SERGAS", servizo de atención á cidadanía a través do que terá acceso a múltiples servizos e trámites do sistema sanitario galego:
- Pedir cita para ser atendido no seu centro de saúde
- Solicitar a anulación ou retraso de citas hospitalarias
- Solicitar atención telefónica por parte de profesionais sanitarios
... e máis servizos que estarán á súa disposición en breve.
Rápido, sinxelo e barato
O teléfono 902 077 333, é un número fácil de memorizar, e ademais de darlle acceso rápido e sinxelo ao servizo que vostede precisa, apenas ten o custo dunha chamada local.
Vostede entrará en contacto cunha central de atención telefónica, na que un amplo equipo de profesionais e sistemas tecnolóxicos de última xeración estarán á súa disposición para facilitarlle o acceso ao sistema sanitario sen perda de tempo.
Non obstante, en cada provincia este servizo está conectado a un número telefónico convencional, ao que, tamén poderá chamar para aproveitar as vantaxes da tarifa que teña contratada coa súa compañía telefónica.
Estes números son:
- provincia de A Coruña: 981952950
- provincia de Ourense: 988398350
- provincia de Lugo: 982269893
- provincia de Pontevedra: 986806350
As 24 horas do día, os 7 días da semana
O Servizo telefónico está operativo de continuo, as 24 horas do día, os 7 días da semana.
Proporciona cobertura a toda a poboación galega, para calquera centro sanitario.