- Formación médica continuada mediante a asistencia a cursos e congresos, tanto presenciais como en rede, que permiten aos radiólogos estar ao día na súa especialidade, en continuo cambio e desenvolvemento tecnolóxico. 

- Docencia pregrao dentro do programa de formación universitaria da Universidade de Santiago de Compostela dirixida aos estudantes que acoden en período de prácticas ao noso servizo.

- Docencia posgrao. No Servizo hai na actualidade un residente por ano, catro en total. Rotantes externos doutras especialidades do noso hospital fórmanse fundamentalmente en radioloxía simple. Así mesmo, o noso departamento comeza a ter rotantes doutros hospitais nas seccións correspondentes.

- Os residentes participan en sesións clínicas dentro do Servizo de Radiodiagnóstico, nas sesións xerais do hospital e en sesións conxuntas con outras especialidades.